مصر حبيبتى مليانه مشاكل

لكن انا مش قادر اتفرج واسكت فقررت اتكلم

اتكلم واقول المشاكل اللى انا شايفها واقول الحل اللى انا شايفه

انا عارف ان معظم الحلول اللى هقولها ورديه لكن مش مشكله المهم ان انا اتكلمت

اول مشكله - رجال الشوارع

ناس كتير ممكن تسأل وتقول مين هما رجال الشوارع ؟؟؟

ممكن تقرا وانت تفهمنى

المشكلة

طول عمرنا بنتكلم على اطفال الشوارع

 

لكن عمرنا متكلمنا عن "رجال الشوارع" او الناس الكبار اللى بيسكنوا فى الشوارع
مفيش حد فينا مشفش ولو لمره فى حياته راجل كبير فى السن لابس ملابس رثه لو وافقنا نقول عليها ثياب من الاساس

وفى مشهد تانى ان احنا نشوف واحد انا اسف على اللفظ " مختل عقليا " هايم فى الشوارع

مفيش اسره بتحميه مفيش حد بيرعاه

والواحد بيخاف يستضيف حد من الناس دى فى بيته واحيانا بيخاف يقدم مساعده للناس دى

طب انا نفسى المشهد دا ميبقاش مئلوف فى مصر . طب نفسى اساعدهم؟؟؟؟؟؟. طب اعمل ايه ؟؟؟؟؟؟؟؟؟؟؟؟؟؟؟

طب انا عندى الحل

الحل

توفير مصحات لاستيعاب هذه الفئه من الشعب

وجود خطوط نجده مثل خطوط نجدة الطفل

يعنى مثلا انا لما الاقى واحد من الفئه دى اعرف اتصرف
واتصل بخط نجدة " كبار الشوارع " وابلغ عن المكان اللى هو موجود ففيه
ويتم علاجه فى المصحه على نفقة الدوله لان معظم الفئه دى ملهاش حد يرعاها ولا اهل يسأل عليها

وبعد العلاج يتم تعليمه اى شغل ويبقى حولنا الراجل دا من راجل هيمان

فى الشوارع لراجل بساعد فى دخل الدوله وبيساعد نفسه

ويكون عباره عن اعادة تأهيل