فيلم مصرى

" يبدأ الفيلم بموسيقى عاليه مكونة من صوت ضجيج الشارع المصرى و صوت ينادى واحد اسكندريه نفر واحد اسكندرية فيصعد رجل فى الثلاثين من عمره الى السيارة الميكروباص المشار اليها وينطلق السائق متجها الى الاسكندرية "

الرجل الذى بجوار السائق : شغل الكاسيت يا اسطى
السائق : عطلان
الرجل : "يحاول ان يبدو خفيف الدم " طب متشغلة راديو " صوت ضحكه من الرجل "
السائق : " بمضايقه " انت باين عليك مصرى غبى
الرجل : " يحاول ان يبقى هادئا " ليه يا اسطى هو انت من الهند
السائق : لا من المصر بس انا تبع الحكومه والحكومه بتحمينى
الرجل : " وقد فهم مغزى السائق " طب وفيها ايه طب ما انا الشعب بيحمينى
السائق : " ضحكة عاليه وطويله "
الرجل : " يبدو عليه الضيق " طب ضحكنا معاك يا اسطى
السائق : اصل الشعب مش بيحمى حد خالص
الرجل : ازاااااى ؟!؟!؟!
السائق : تعرف واحد اسمه طلعت السادات
الرجل : اه ماله
السائق : هو موجود فين دلوقت
الرجل : مسجون
السائق : طب فين الشعب ؟!؟!؟!
الرجل : "يبدوا انه فيلسوف " كل وقت وليه ادان يا اسطى
السائق : تحب اختبرلك الشعب دلوقت
الرجل : ازاى يعنى
السائق : تحب ولا لا بس متزعلش منى
الرجل : احب ومش هزعل منك
السائق : طب استحمل " يرتفع صوته " انت بتشتمنى ؟
الرجل : صلى على النبى يا اسطى هو انا عملتلك حاجه
السائق : وكمان بتعلى صوتك عليا طب والله لاوريك " يوقف السائق السياره ويطلب من الرجل النزول "
الرجل : مش هنزل يا اسطى هو افترا وخلاص انا معملتلكش اى حاجه

" يتدخل الركاب لحل النزاع القائم بين _رئيس المركب واحد الرعيه _ اسف اقصد السائق والرجل "

راكب 1 : " رجل كبير السن يوجه كلامه للسائق " معلش يا بنى اخزى الشيطان واطلع
السائق : مش طالع غير لما هو ينزل " يخرج سيجاره من جيبه ويبدو عليها انا غير شرعية ويشعلها وينفث دخانها فى وجه الرجل "
الرجل : " يحاول ان يجمع الركاب فى صفه " شايفين يا ناس هو اللى بينفخ الدخان فى وشى
راكب 2 : " امراه فى ربيع عمرها موجهة كلامها للسائق " معلش يا اسطى سامحه المره دى عشان خاطرى
السائق : عشان خاطرك انا ممكن اعمل اى حاجه الا انه يفضل راكب
الرجل : " مذهولا مما يحدث حوله " طب فهمنى غلطى يا اسطى انا قلتلك ايه ؟
السائق : هو كدا افترا مش همشى غير لما تنزل " ينزل السائق من السياره ليكمل سيجارته فى الهواء الطلق "
راكب 3 : " شاب فى نفس عمر الرجل " متنزلش وانا معاك وهدافع عنكراكب 1 : انزل يا بنى واخزى الشيطان دلوقت تلاقى عربيه
الرجل : يا ناس انا لو كنت هلاقى عربيه كنت نزلت من بدرى
راكب 2 : صدقنى هتلاقى عربيات بس انزل ورانا اشغالنا
الرجل : هلاقى عربيه فين فى الكيلو (100) فى الصحراوى دا
راكب 1 : يا بنى انزل هو انت عايز تشتم الراجل وتفضل راكب
الرجل : طب والله العظيم ما شتمته " يحكى ما حدث بينه وبين السائق "
راكب 3 : انا كنت حاسس من الاول
راكب 1 : يعنى احنا مالنا هو حد قالك تتحداة
راكب 2 : متنزل وتخلصنا
الرجل : " يبدو عليه الذل والاستكانة " طب ممكن تتحايلوا عليه مره كمان
الركاب : " ينادوا على السائق فيصعد السائق الى السياره ويبدأ الركاب فى محايلتة "
السائق : مفيش غير حل واحد يا انزل يا هو اللى ينزل
راكب 3 : لو نزل مش هينزل لوحده كلنا هننزل معاه
السائق : اللى عايز ينزل معاه ينزل

" الرجل وراكب 3 ينزلون منصاعين لامرمن السائق والركاب فى الكيلو (100) طريق مصر اسكندرية الصحراوى "

راكب 1 موجها كلامه الى راكب 2 : يا بنتى هو لو كان خلاه فى حاله كان زمانه راكب فى امان الله
راكب 2 موجها كلامه الى راكب 1 : صح يا بابا الحج هو حد خلاه يتكلم

" يتجه السائق الى يسار الطريق ويسلك الطريق العكسى ويقف اما الرجل والراكب 3 وينادى عليهم "

السائق : " ملامح الانتصار على وجهه " دى كانت قرصة ودن بس .....

تمت بحمد الله مع تحيات محمود الرحال