المدونة التالية
كافة المدونات
الاقصى

فيلم مصرى

أبريل 13th, 2007 كتبها محمود الدوح نشر في , سياسة و أخبار, 

لا يوجد تعليق
, 

" يبدأ الفيلم بموسيقى عاليه مكونة من صوت ضجيج الشارع المصرى و صوت ينادى واحد اسكندريه نفر واحد اسكندرية فيصعد رجل فى الثلاثين من عمره الى السيارة الميكروباص المشار اليها وينطلق السائق متجها الى الاسكندرية "

الرجل الذى بجوار السائق : شغل الكاسيت يا اسطى
السائق : عطلان
الرجل : "يحاول ان يبدو خفيف الدم " طب متشغلة راديو " صوت ضحكه من الرجل "
السائق : " بمضايقه " انت باين عليك مصرى غبى
الرجل : " يحاول ان يبقى هادئا " ليه يا اسطى هو انت من الهند
السائق : لا من المصر بس انا تبع الحكومه والحكومه بتحمينى
الرجل : " وقد فهم مغزى السائق " طب وفيها ايه طب ما انا الشعب بيحمينى
السائق : " ضحكة عاليه وطويله "
الرجل : " يبدو عليه الضيق " طب ضحكنا معاك يا اسطى
السائق : اصل الشعب مش بيحمى حد خالص
الرجل : ازاااااى ؟!؟!؟!
السائق : تعرف واحد اسمه طلعت السادات
الرجل : اه ماله
السائق : هو موجود فين دلوقت
الرجل : مسجون
السائق : طب فين الشعب ؟!؟!؟!
الرجل : "يبدوا انه فيلسوف " كل وقت وليه ادان يا اسطى
السائق : تحب اختبرلك الشعب دلوقت
الرجل : ازاى يعنى
السائق : تحب ولا لا بس متزعلش منى
الرجل : احب ومش هزعل منك
السائق : طب استحمل " يرتفع صوته " انت بتشتمنى ؟
الرجل : صلى على النبى يا اسطى هو انا عملتلك حاجه
السائق : وكمان بتعلى صوتك عليا طب والله لاوريك " يوقف السائق السياره ويطلب من الرجل النزول "
الرجل : مش هنزل يا اسطى هو افترا وخلاص انا معملتلكش اى حاجه

" يتدخل الركاب لحل النزاع القائم بين _رئيس المركب واحد الرعيه _ اسف اقصد السائق والرجل "

راكب 1 : " رجل كبير السن يوجه كلامه للسائق " معلش يا بنى اخزى الشيطان واطلع
السائق

المزيد


تك تك من اجل الحريه

أبريل 8th, 2007 كتبها محمود الدوح نشر في , سياسة و أخبار, 

لا يوجد تعليق
, 

 

بداية من مدونون من اجل الحريه مرورا ب ….. من اجل الحريه واخيرا وليس اخرا اطفال من اجل الحريه .

كلها حركات اجتمعت للحريه والحريه فقط , وانا لا اعطى مدونون من اجل الحريه السبق لاننى فى الحقيقه لا اعرف من هو صاحب هذه الفكره العبقريه من

المزيد


مدير بارد وتنح ومعندوش دم

أبريل 4th, 2007 كتبها محمود الدوح نشر في , سياسة و أخبار, 

لا يوجد تعليق
, 

مدير بارد وتنح ومعندوش دم
 
مكنتش اتخيل فى يوم انى يتحقق حلمى واشتغل اى حاجه حتى لو مش تخصصى.
الادهى من انا اشتغلت انى اشتغلت فى الشركة اللى انا كان نفسى اشتغل فيها من زمان.
الشركه عندنا نظامها غريب جدا وعامل زى درجات السلم من المدير للغفير وبينى وبينك انا كنت من درجة متوسطه او اقل من متوسطة بس فى الاخر احنا كلنا شركاء فى الشركه دى لانك عشان تشتغل فى الشركه دى لازم تكون شريك فيها وكله له حقوق بس حسب الدرجه اللى انت شغال فيها يعنى الغفير ليه حقوق والمدير ليه حقوق و….. ليه حقوق , وزى ماكله له حقوق كله عليه واجبات , لكن المشكله الوحيده اللى فى الشركه المدير اللى ماسك الشركه من 25 سنه كأنها شركة ابوه والادهى من كدا انه عايز يمسك ابنه " جميل " مكتب الادارة من بعده ,بس انا عن نفسى مش زعلان انه ماسك من 25 سنه ولا انه هيمسك ابنه من بعده الاداره , لكن زعلان انه مش بيدى حد من العاملين حقه . وبعدين ابنه مينفعش يمسك من بعده الا لما ا

المزيد


اضحك مع " السياسة "

مارس 26th, 2007 كتبها محمود الدوح نشر في , سياسة و أخبار, 

تعليق واحد »
, 

السياسة مش بس تحليل ونقد بالمقالات
لا دا فى نكت بتنقد كل حاجه من حوالينا
وطبعا زى محنا عارفين ان مفيش نكت من تأليف حد
لكن النكت بتاع الشعب كله
وانا حبيت اجيبلكم حاجة بتاعتكم
==================
مرة حسنى وبوش بلير بيلعبوا جولف
فضرب بوشالكورة ضربة جامدة فوقعت فى بحيرة فيها تماسيح
فبوش اضايق جدا وبعت لوزير الدفاعوقالو لازم تجيب الكورة
راح وزير الدفاع قايل الكومندز الامريكى هو الىهيجيبها
فلما جه الكومندز وشاف التماسيح رايح قايل انا عندى عيال عايزاربيها
راح بوش مضايق راح بلير قالو متزعلش ياكبير
الكومندز البيرطانى مفيشزيه هو الى هيجيبها لما جه الكومندز الريطانى
وشاف التماسيح رايح قايل مش هينفعانزل انا عندى عيال عايز اربيها
راح بلير مضايق جدا راح حسنى قايل بس مفيش غيرهالكومندز المصرى
جه الكومندز المصرى راح نازل فى البحيرة وجاب الكورة
ولماطلع فرح بوش جدا وسأله انتا جبت الكورة ازاى
راح الكومندز المصرى قايل لبوش (وهوباصص لحسنى)
يافندم انا عندى عيال عايز اربيها
======================
 
=========================
 
فى عيد الأضحى طلب حسنى مبارك من حبيب العادلى عشر خرفان عشان ينقى منهم خروف يضحى بيه فى العيد ..بعد تلات تيام جابله خروف متعور ومتبهدل خالص ..فقاله :إيه ده يا حبيب ..جايبلى خروف حالته بالبلا ..فقاله :ده اللى فضل صاحى بعد التحقيقات يا فندم ..قاله :طب وباقى الخرفان ..فرد حبيب :طلعوا إخوان مسلمين يا فندم
مبارك ماشي في الصحرا شاف تمثال ، قال لحبيب العادلي شوفلي التمثال ده بتاع مين يا حبيب ، ربع ساعة رجعله حبيب العادلي و قاله : ده رمسيس التاني يا فندم ، مبارك قاله : عرفت منين ، العادلي رد : اعترف يا فندم
====================
 
بيقولك واحد تانى لقى الفانوس السحرى ده دعكه طلعله العفريت وقاله:شبيك لبيك تطلب أيه؟ قاله الراجل: أنا عايز كوبرى بين القاهره وأسوان العفريت قاله: دى صعبه قوى نقى
حاجه تانيه الراجل قاله:خلاص خلى حسنى مبارك يسيب الحكم؛العفريت قاله:أنت عايز الكوبرى رايح جاى ولا رايح بس 
=====================
 
 حسني مبارك بيخطب في الشعب فا كل شويه واحد يقوم ويقول عاش حسني مبارك موحد الاديان ويقعد يروح حسني مكمل كلامه وشويه ويقوم الراجل ويقول عاش حسني مبارك موحد الاديان فا
اتمسك امن دوله وطااااااااخ ويقولوله ايه الي انت بتقوله دا ازاي موجد الاديان دي مصر فيها مسيحين ويهود ومسلمين وطااااااخ فردعاليهم يا باشا ماهوه الي مكفرنا كلنا
===================
 
 حسنى مبارك ركب طياره هو وعيلته. طلع ورقه بمية جنيه من جيبه وقال انا حأرمى المية جنيه دى واللىحيأخدها حأسعده. سوزان قالت له طب ما تخليهم ورقتين بخمسين وتسعد إتنين. علاء قالطيب ماتخليهم خمس ورقات بعشرين وتسعد خمسه . جمال قال طيب ماتخليهم عشر ورقة بعشرهجنيه وتسعد عشره. الطيار قال طيب ما ترمى نفسك وتسعد 75 مليون
====================
 
مرة واحد ركب تاكسي ولقي السواق معلق في العربية صور جمال عبد الناصر وانور السادات وحسني مبارك
الراجل استغرب سال السواق مين اللي انت معلقهم صورهم عندك
قالة دا جمال عبد الناصر الزعيم المصري الراحل
ودا انور السادات قائد حركة السلام والامن في البلد
ودا حسني مبارك أبو علاء شريكي في التاكسي
======================
 
حسنى مبارك راح لشيخ الأزهر متعكنن جدا .وقاله :يا سيد أنا كل كام يوم نفسى بتهفنى على كاس أو اتنين وسمعت ان الخمرة حرام ..اتصرف ..راح شيخ الأزهر قاله:
ابقى اشربها على وضوء يا
سعادتك
.
=======================
 
 
مبارك : عارف يا ابليس ياخويا, انا عاوز اعمل في الشعب المصري حركه تطلع مننافوخهم 
 
أبليس : طب هات ودنك وخد الفكره دي …..وش وش وش وش
 
مبارك : لالا يا ابليس الفكر

المزيد


اضحك مع " أ/فهمى هويدى "

مارس 24th, 2007 كتبها محمود الدوح نشر في , سياسة و أخبار, 

2 تعليق »
, 

 
لم اتوقع يوما فى حياتى ان اضحك على مقال كتبه كاتب كبير فى حجم أ/فهمى هويدى فهو كاتب صاحب وزن ثقيل فى الصحافه .
 
لم اتمالك نفسى من الضحك وانا اقرأ احدى مقالاته فى جريدة المصرى اليوم بتاريخ 21/3/2007 تحت عنوان " كسبنا المواطنه وخسرنا المواطن ".
 
فى الحقيقه مالم اتوقعه ان اضحك على مقال لم يكن ساخرا بل يتميز بالجمود ويحكى عن ويلاتنا فى ما بعد , لكنى كنت اضحك من سخرية الموقف وكما يقولون " هم يضحك وهم يبكى " .
 
بدا كاتبنا مقاله بسؤال جعلنى متحيرا الى ان قرأت الفقره الثانيه فى المقال وهو  
" بماذا تفسر ان الذين تشبثوا بالنص على المواطنه فى اولى مواد الدستور المصرى كانوا هم انفسهم من فتحوا الباب على مصراعيه لاهدار بعض من اهم حقوق المواطن المصرى ؟ "
فى الحقيقة تحيرت لاعرف ما هو اعظم من المواطنه يضر بالمواطن وجعلنى هذا اكمل المقال عن اخره وبدأت فى قرأة الفقرة الثانيه وبدا أ/فهمى هويدى بشرح ويلات " الماده 179 " واخطارها وعدم سريان المواد 41,44,45 امام الماده 179 وفى هذه اللحظه لم اتمالك نفسى من الضحك وبصراحه كان ضحكى بسبب تذكر نكته من اسخف النكات التى سمعتها او ساسمعها فى حياتى وهى " واحد بيقول لصاحبه انا هعمل حاجه النهارده بعملها من خمسه وعشرين سنه كل يوم بس انا قررت اعملها النهارده بس قانونى "
بصراحه نكته بايخه لكن وانا بقرا الم\قال حسيت ان النكته دى من اجمل نكت سمعتها فى حياتى
وبصراحه اكتر انا عارف انك زهقت منى وعايز تعرف انا كنت بضحك ليه
انا هجيبلك من الاخر واكتبلك الفقره التانيه من مقال أ/فهمى هويدى ولما تخلصها هتفتكر علطول النكته اللى انا قلتهالك ونصها
" في التعديل الذي تم إقراره، ويفترض أن يصوت مجلس الشعب عليه ـ أمس ـ (الثلاثاء) بصورة نهائية، تنص المادة ١٧٩ علي ما يلي:
«تعمل الدولة علي حماية الأمن والنظام في مواجهة أخطار الإرهاب. وينظم القانون أحكاما خاصة بإجراءات الاستدلال والتحقيق التي تقتضيها ضرورة مواجهة تلك الأخطار، وذلك تحت رقابة من القضاء. و

المزيد


عندى الحل >>>> موجه الى المسؤلين

مارس 4th, 2007 كتبها محمود الدوح نشر في , سياسة و أخبار, 

3 تعليق »
, 

مصر حبيبتى مليانه مشاكل

لكن انا مش قادر اتفرج واسكت فقررت اتكلم

اتكلم واقول المشاكل اللى انا شايفها واقول الحل اللى انا شايفه

انا عارف ان معظم الحلول اللى هقولها ورديه لكن مش مشكله المهم ان انا اتكلمت

 

اول مشكله - رجال الشوارع

ناس كتير ممكن تسأل وتقول مين هما رجال الشوارع ؟؟؟

ممكن تقرا وانت تفهمنى

المشكلة


طول عمرنا بنتكلم على اطفال الشوارع

 

لكن عمرنا متكلمنا عن "رجال الشوارع" او الناس الكبار اللى بيسكنوا فى الشوارع
مفيش حد فينا مشفش ولو لمره فى حياته راجل كبير فى السن لابس ملابس رثه لو وافقنا نقول عليها ثياب من الاساس

وفى مشهد تانى ان احنا نشوف واحد انا اسف على اللفظ " مختل عقليا " هايم فى الشوارع


المزيد